Rakel nummar trý á IceHorseFestival

Føroyingar standa seg væl á IceHorseFestival í Herning í hesum døgum. Elin Tindskarð vann sína kapping á ryssuni Gretu, og eisini millum tey ungu, fáa føroysku reiðfólkini góð úrslit á stóru altjóða kappingini.

Rakel B. Tindskarð gjørdist bæði nummar trý og fýra millum juniorar í greinini V2. Nummar trý við Stormi frá Háholti og nummar fýra við Kjarnorku frá Tindsgarði.
Hetta er sera flott úrslit hjá Rakel B. Tindskarð, sum ikki fyrr hevur luttikið í so stórari kapping, skrivar isross.com.