Rói á Skipagøtu til Svøríkis

Rói Ellefsen á Skipagøtu verður næsta kappingarár at síggja í bestu svensku hondbóltsdeildini. H71-leikarin hevur gjørt sáttmála við Hallby Handboll í Jönköping, sum liggur milum Göteborg og Stokkholm.

Hallby Handboll skrivar á heimasíðuni, at 19 ára gamli hoyvíkingar var og royndarvandi í oktober, og bergtók venjararnar.

So bergtiknir vóru teir, at man valdi at gera skjótt av, og nú er sáttmáli undirskrivaður.

Hallby liggur í løtuni á sjeynda plássi í bestu svensku deildini við 12 stigum eftir 12 dystir.

Beiggi Róa, Elias Ellefsen á Skipagøtu og systkinabarnið Óli Mittún, spæla við Sävehof. Næsta summar fer Elias víðari til týskan hondbólt, og fer at spæla við stórfelagnum THW Kiel.