Satchwell fer til Íslands at royna seg

KA boðar í dag frá, at Nicholas Satchwell í vetur verður nýggjur málverji hjá felagnum.

Felagið skrivar, at talan er um góðan styrk - 28 ára gamli málverjin er landsliðsmálverji hjá Føroyum og hevur verið umráðandi partur í stóru framgongdini hjá liðnum seinastu árini.


Mynd: ka.is

Á Akureyri verður Nicholas Satchwell liðfelagi við Allan Norðberg og Áka Egilsnes, ið hann er vanur at spæla saman við á landsliðnum. Strandingurin og vestmenningurin skrivaðu síðst í februar undir nýggjar sáttmálar við KA. Við heimasíðuna hjá KA sigur Nicholas Satchwell, at hann hevur hoyrt nógv gott um felagið og um staðið frá Allani og Áka

Les meira: Áki og Allan halda fram á Akureyri


Mynd: ka.is

Hetta verður stórur missur fyri Neistan, ið seinastu árini hevur notið sera gott av evnunum hjá Nicholas Satchwell, ið er føddur í Bretlandi, sum hann eisini hevur umboðað til OL, men sum eisini hevur danskan ríkisborgararætt. 

Satchwell og KA hava skrivað undir ein tvey-ára sáttmála, ið er galdandi frá komandi kappingarári av.