![placeholder](https://roysni.fo/css/img/banner2x1.png)
Eitt spennandi hondbóltsvikuskifti stendur fyri framman. Trý føroysk ungdómslandslið eru í dag farin til Íslands, har nógvir venjingardystir eru á skránni, og U16-dreingirnir spæla tveir venjingardystir í Føroyum.
Hetta skrivar Hondbóltssambandið á heimasíðu sínari.
Dystirnir í Føroyum eru teir fyrstu landsdystirnar hjá hesum ungu monnunum. Teir eru eisini ímóti Íslandi, og verða spældir á Giljanesi og í Kollafirði - ávíkavist leygardagin og sunnudagin klokkan 15. Møguleiki verður fyri at stroyma dystirnar á live.hsf.fo.
Í morgun fóru U16-kvinnur, U18-kvinnur og U20-menn til Íslands. Samanlagt skulu seks dystir spælast á Safamýri, sum er heimstaðið hjá Víkingi Reykjavík, leygardagin og sunnudagin. Hvørt lið spælir tveir dystir, og dystirnir kunnu væntandi stroymast, upplýsir hsf.fo.
U16-genturnar, sum nú eru farnar til Íslands (Mynd: Hondbóltssamband Føroya)
U18 (Mynd: Hondbóltssamband Føroya)
U20-menn skulu til EM-endaspæl í juli. Hesir dystirnir eru umráðandi í fyrireikingunum til tess. Føroyska liðið er tó uttan lyklaleikaran, Óla Mittún, sum skal hvíla seg eftir fýra harðar finaludystir, har hann gjørdist svenskur meistari.
Sí eisini:
Óli Mittún varð dagsins maður í finaluni
Óli: - Tað var ógvuliga stuttligt at spæla í 2. hálvleiki
U20-liðini hjá Føroyum og Íslandi kenna hvørt annað væl og hava møtt hvørjum øðrum 5 ferðir áður. Føroyar hava vunnið tríggjar ferðir, ein dystir er endaður javnur og ein við íslendskum sigri. Hetta verður triðja árið á rað, at 04- og 05-árgangirnir hjá monnum skulu til eitt endaspæl.
Skráin fyri dystirnar í Íslandi er hendan
Leygardagin, 1. juni 2024 á Safamýri
13:00 Føroyar – Ísland (U16 kvinnur)
15:00 Føroyar – Ísland (U18 kvinnur)
17:00 Føroyar – Ísland (U20 menn)
Sunnudagin, 2. juni 2024 á Safamýri
13:00 Føroyar – Ísland (U16 kvinnur)
15:00 Føroyar – Ísland (U18 kvinnur)
17:00 Føroyar – Ísland (U20 menn)
(Allar tíðirnar eru føroyskar)
Liðini, sum eru farin til Íslands at bjóða íslendingum av, eru at síggja HER.
Skráin fyri dystirnar í Føroyum er hendan:
Í morgin, leygardagin, 1. juni á Giljanesi
15:00 Føroyar – Ísland (U16-menn)
Sunnudagin, 2. juni í Kollafirði
15:00 Føroyar – Ísland (U16-menn)
Føroyski U16 hópurin við dreingjum, ið skal royna seg ímóti Íslandi á Giljanesi og í Kollafirði, sæst HER.
Vinarliga broyt tínar kennifíla - og privatlívsstillingar fyri at síggja hetta innihald