Annað

Staðfest: Størsti parturin av Tour de France verður í september

Byrjað verður 29. august. Upprunaliga skuldi størsti parturin av kappingini verða súkklaður í juli..

París er endastøðin. Har verður komið á mál 20. september (Mynd: EPA)

París er endastøðin. Har verður komið á mál 20. september (Mynd: EPA)

2020-04-15 13:10 Author image
Agnar Prestá
placeholder

Altjóða súkklusambandi, UCI, hevur fyri løtu síðani boðað frá, at Tour de France er útsett, so at tað ístaðin fyri at verða hildið frá síðst í juni til seinna partin av juli, byrjar síðst í august og heldur fram størsta partin av september.

Tour De France 2020 byrjar 29. august í Nice og endar í París 20. september. Hetta merkir, at hinar báðar heilt stóru kappingarnar, Giro d'Italia og Vuelta a España, eisini verða fluttar. HM-vikan byrjar sama dag, sum Tour de France endar. Súkklukappingar, ið skuldu verða í vár ella tíðliga í summar, verða helst súkklaðar í heyst.

Mánakvøldið kunngjørdi franski forsetin, Emmanuel Macron, at eingin tiltøk ið savna stórar mannamúgvir verða í landinum komandi tríggjar mánaðirnar. Eftir hetta varð bert bíðað eftir, at Tour de France varð útsett ella avlýst.

Les eisini: Tour de France fer ikki fram sum ætlað

Tann ætlaða rutan verður fylgd í Fraklandi, og lokalir myndugleikar, lið og súkklarar eru tikin uppá ráð, áðrenn avgerðin í dag er tikin. 

 
placeholder
placeholder