U17: Silja Geirsdóttir Eystberg besta miðja í Baku

Við ósigrinum móti Litava sunnudagin gjørdust føroysku U17-kvinnurnar nummar fýra í EHF Championship kappingini í Baku í Aserbajdsjan.

Les eisini: U17: Ov stuttar til bronsu og EM-plássið

Hetta merkir, at Føroyar gjørdust akkurát ov stuttar at sleppa við til U19 EM-endaspælið í 2025, av tí at bert tey trý ovastu liðini sleppa við.

Við 35 málum í seks dystum var tað Silja Geirsdóttir Eystberg, sum skeyt flest mál fyri Føroyar í hesari kappingini, og í gjár varð hon eisini vald á All Star-liðið fyri kappingina.

Silja var besta miðja í U17 EHF Championship kappingini, skrivar Hondbóltssamband Føroya.

(Mynd: Hondbóltssamband Føroya/Facebook)