Agnar Prestá
Hann hevði úr at gera við at skriva autografar - stutt frammanum hevði Pauli Jacobsen tvær bjargingar, sum vóru við at fáa Føroyar á rættkjøl aftur.
Við málinum hjá Leivi Mortensen, tá tvey sekund vóru eftir, varð eitt týdningarmikið stig móti oddaliðnum í bólkinum endaliga tryggjað.
Føroyski málverjin og liðformaðurin staðfestir, at man "var heilt uppi at flúgva seinastu løtuna", og tað var fantastiskt at hava slíkan heimavøll. Nummar eitt slapp at renna inn sum tann fyrsti føroyingurin.
Sí eisini: Pauli Jacobsen føroyskur liðformaður í kvøld
Pauli slær fast, at Niðurlond hevur eitt sterkt lið, sum vanliga ikki ger nógv mistøk.
- Teir gera slík í fyrra hálvleiki, sum teir vanliga ikki gera, meðan tá vit gera tað í 2. hálvleiki, so verður man revsaður beinanvegin. Kanska vit skuldu havt sett ferðina niður onkutíð, og vit eru nakað vónbrotnir.
Nú verður farið til Niðurlond eftir stigum, staðfestir 22-ára gamli hoyvíkingurin.
Sí ovast
Undankappingin til EM 2026 - 3. umfar av seks
Mikudagin 12. mars, Við Tjarnir
Føroyar - Niðurlond 32-32 (18-14)
Støðan eftir trý umfør:
1. Niðurlond 4 stig
2. Føroyar 3 stig
--------------------
3. Ukraina 2 stig *
4. Kosovo 1 stig *
* Ein dyst færri
Tvey lið koma beinleiðs víðari eftir seks umfør. Fýra teir bestu trý'ararnir koma eisini.
Føroysku málskjúttarnir:
Elias Ellefsen á Skipagøtu 11 mál
Hákun West av Teigum 7 mál
Óli Mittún 5 mál
Teis Horn Rasmussen 4 mál
Leivur Mortensen 3 mál
Allan Norðberg 2 mál
Bjargingar:
Pauli Jacobsen 7 (av 29) - 24 prosent
Aleksandar "Sasha" Lacok 2 (av 12) - 16 prosent
Vinarliga broyt tínar kennifíla - og privatlívsstillingar fyri at síggja hetta innihald