Finalupláss hómast hjá Neistanum

Hoyvíkingar løgdu seg á odda 4-2, beint áðrenn klokkan í Høllini á Hálsi vísti níggju minuttir. Síðani gingu næstan níggju minuttir, til teir skoraðu aftur: Tá minkaði Niklas Hanusarson til 6-5, og H71 var ongantíð á odda aftur.

Tað var serliga Sasha Lacok í málinum og ein sterk verja, ið gjørdu munin. Bert átta mál komu inn fyri steðgin, og ungi málverjin hevði fleiri góðar og umráðandi bjargingar í seinna hálvleiki eisini.

H71 fekk sjálvdan veruliga loyst upp. Tað var líka ein løta miðskeiðis í seinna hálvleiki, har Rói Ellefsen á Skipagøtu gjørdi bart, at H71 kom undir liðuna á Neistanum. Heimaliðið skoraði tó átta útav teimum næstu tíggju málunum, og so var leyst og liðugt.


Torstein Balle vendi í vetur aftur til barndómsfelagið eftir lesnað í Danmark. Lámi vongurin gevur Neistanum nakað í millum annað kontraspælinum - hann skoraði fýra ferðir í kvøld (Mynd: Sverri Egholm)


Mongu og larmandi Neista-viðhaldsfólkini kundu stórfegnast (Mynd: Sverri Egholm)

Fleiri myndir síggjast her

Fleiri av Neista-málunum vóru heilt vælspæld, og eins og í fjórðingsfinaluni á Skála skírisdag vístu teir í bláum seg at megna væl at skora ymsastaðni frá. Tróndur Kragesteen var stóri málskjúttin við níggju málum - royndi spælskiparin vísti aftur sítt hegni - og á strikuni var 18-ára gamli Ísak Vedelsbøl aftur framúr: Bæði í álopi og í verju.

H71 skal lyfta sítt spæl, um liðið skal hava møguleika at vinna greipuna. Tað jaliga fyri føroyameistarar er, at málúrttøkan ikki telur: Vinnur H71 leygardagin, skal ein triðja og avgerandi finala til í Hoyvík hósdagin 20. apríl. Seinast Neistin var í FM-finalunum var í 2019. Tað var móti júst H71. Um tað eydnast Neistanum at vinna aftur leygarkvøldið

FM Hálvfinalur 1
Í kvøld, mikudagin 12. apríl
Neistin – H71 28-21

Toppskjúttar: Tróndur Kragesteen 9 mál, Ísak Vedelsbøl 7 mál - Bogi Hansen 8 mál

Sí dómaraseðil her

Sí samrøðu við Trónd Kragesteen her

Í morgin, hósdagin 13. apríl
18.30 Team Klaksvík – VÍF


Seinna hálvfinalan: 
Leygardagin 15. apríl

18.00: H71 - Neistin