Agnar Prestá
Páskaaftan, leygardagin, verður greitt hvørji lið eru føroyameistarar hjá teimum vaksnu í flogbólti.
Hjá kvinnum stendur slagið millum vágafeløgini. SÍ og Dráttur hittust í steypafinaluni, har sørvágskvinnur høvdu yvirtakið eftir fimm sett. SÍ hevur eisini verið sterkast í meistaradeildini, men Dráttur vann 3-2, tá liðini hittust á Giljanesi 13. mars. Harvið er lagt upp til sera spennandi finalur, harav tann fyrra byrjar klokkan 15.
Les eisini:
Tað fær illa verið meira spennandi
Mest vinnandi feløgini í føroyskum mansflogbólti skulu spæla FM-finalu
Hjá monnum er talan eisini um eina endurtøku av steypafinaluni, ið endaði 3-2, og tað er nógv ið bendir á, at tað fer at vera tætt í dag og leygardagin. Mjølnir fekk flest stig í grundspælinum, men ÍF vann tveir innanhýsis dystir, umframt steypafinaluni. Mest vinnandi feløgini í føroyskum mansflogbólti spæla fyrru finaluna í kvøld klokkan 18.
Kringvarpið stroymir báðar finalurnar á heimasíðu sínari.
Vinarliga broyt tínar kennifíla - og privatlívsstillingar fyri at síggja hetta innihald