Jóan Símun takkar fyri seg í Bielefeld

Tíðliga seinnapartin í dag vandi hann saman við liðfeløgunum á landsliðnum í Gundadali - í dag hevur felag hansara seinastu trý árini sagt farvæl við hann á 

"Í trý ár var Jóan Símun Edmundsson ein umráðandi partur av liði, felagi og viðgongd okkara. Tá "Eddy" kom til felagið lá tað mitt í næstbestu deildini - tá sympatiski føroyingurin í summar fer úr felagnum er tað sum Bundesliga leikari. Hann er gløggur, niðri á jørðini og er "behagiligur", og harvið yvirvann hann skjótt hjørtu okkara. Málið hjá Eddy í 1-0 sigrinum á Köln í fjør er ógloymandi. Tað var tað fyrsta Bundesliga-málið og tann fyrsti Bundesliga-sigurin hjá okkum í meira enn ellivu ár og tann einasti heimadysturin í ár við áskoðarum. Farvæl Eddyy - tú ert altíð ein vælkomin gestur her"

Soleiðis skrivar DSC Arminia Bielefeld á almennu Facebook-síðu sínari í kvøld. Málið sipað verður til, varð skorað í 71. minutti í dystinum 26. september, tá innskifti Jóan Símun Edmundsson gjørdist søguligur: Fyrsti føroyingurin sum hevur skorað í Bundesliguni. Hetta var samstundis fyrsti dystur hansara í krútsterku kappingini.

Sí eisini: 
Jóan Símun matchvinnari í sínum fyrsta Bundesliga-dysti
Video: Søguliga málið hjá Jóan Símuni


Eftir hetta spældi Jóan Símun so at siga ikki aftur. Skaðar og sambandi við venjaran løgdu meinbogar, og næsta kappingarár verður 29-ára gamli toftamaðurin at síggja í einum øðrum felagi.


Jóan Símun fagnaður eftir søguliga málið


Beint nú hevur landsliðið høvuðsfokus (Mynd: Jens Kr. Vang)

Hvar tað verður er ógreitt. Nú hevur Jóan Símun Edmundsson tveir venjingardystir fyri framman við landsliðnum á Tórsvølli - fríggjakvøldið móti Íslandi og mánakvøldið móti Liktinstein.

Álopskendi leikarin spældi 51 dystir og skoraði 10 mál fyri Bielefeld. Eddy hevur í kvøld hesi boðini á síðuni hjá felagnum á Facebook: 

- Eg vil gjarna siga mangar ferðir takk fyri tykkara treytaleysta stuðul gjøgnum tey síðstu árini. Tað var ein heiður at vera partur av felagnum seinastu trý árini. Tíðin í felagnum var tann longsta  í sama felagi á yrkisleið mínari. Tað vóru nakir perónsligir niðurtúrar, afturat teimum mongu upptúrunum, men tað var fantastiskt at vera partur av DSC