KÍ setur punktum í kvøld

Lille, Frakland (Portalurin): Evropeiski dystur nummar 14 í kappingarárinum hjá KÍ verður spældur í kvøld, 14. desember.

KÍ kann ikki spæla seg víðari úr bólkaspælinum í Conference League, men styrkisstig til næstu árini, umframt peningur eru uppá spæl. Hetta er seinasti dystur á árinum, og á ein hátt er alt at vinna og einki at tapa hjá KÍ. 

Sí eisini: 
- Ein fantastisk ferð og vit vilja skapa stórt úrslit aftur
Seinasti dansurin verður í Fraklandi
Hoseth: - Hugsavni meg bert um KÍ

Samrøður: 
Árni: Hava víst at nakað nærum ógjørligt ber til
Vegard: Árið í KÍ hevur verið serstakt og ótrúligt

Spælarar og høvuðsvenjari leggja dent á týdningin av at enda hendan kapittulin væl og royna at skapa eitt stórt úrslit aftur. Tað hevur nógv at siga á ymsan hátt.

Møguleikin at spæla móti Lille á Stade Pierre Mauroy móti Lille er eisini lokkandi og gevur motivatión. Sambært lokalum miðlum vera umleið 20.000 áskoðarar á stóra leikvøllinum í kvøld. Vit duga ikki ikki at finna eitt dømi um, at KÍ hevur spælt fyri so stórari áskoðarafjøld - onnur føroysk feløg hava spælt fyri fleiri fólki í í millum annað Turkalandi.

Til venjingina á Stade Pierre Mauroy í gjár (Mynd: Sverri Egholm)

Sí eisini: Myndir: Stórfingnar umstøður til seinastu uppgávuna í ár 

Lille liggur á 4. plássi í fronsku deildini, sum er styrkismett sum nummar fimm í Evropa. Heimaliðið skal vinna í kvøld fyri at tryggja sær fyrsta plássið í bólkinum og harvið frí í fyrsta knock-out umfarinum.

Dysturin byrjar klokkan 20 føroyska tíð og sæst á TV2 Play. Yvir 50 KÍ-fjepparar vera til dystin her í Lille. Meira tilfar seinni.

UEFA Europa Conference League, bólkur A
6. og seinasta umfar - í dag, hósdagin 14.12

20.00: 
LOSC Lille - KÍ
Slovan Bratislava - Olimpija Ljubljana

Støðan í bólkinum undan síðsta umfari
1. LOSC Lille 11 stig
2. Slovan Bratislava 10 stig
----------------------------
3. KÍ 4 stig
4. Olimpija Ljubljana 3 stig

Tvey tey ovastu liðini eru komin víðari

Mynd: Sverri Egholm