Agnar Prestá
KÍ hevði trupulleikar við at selja atgongumerki til kvøldsins dyst. Umleið 1.000 atgongumerki vóru seld, áðrenn avgerð varð tikin um at bjóða ókeypis atgongd til dystin "fyri at hátíðarhalda 119-ára stovningardagin":
- Klaksvíkar Ítróttafelag var stovnað 24. august 1904, og í dag, 119 ár eftir stovningardagin, spælir besta mansliðið ein av sínum størstu dystum í søgu felagsins: play off í Evropa League. Hetta skal hátíðarhaldast, og tí býður føðingardagsbarnið fjepparum og fótbóltsáhugaðum í føðingardagsveitslu á Tórsvølli í kvøld klokkan 19.45, tá ið KÍ og Sheriff Tiraspol hittast í play off umfarinum til Evropa League.
Les eisini: KÍ fyllir 119 í dag - bjóðar ókeypis atgongd til dystin í kvøld
Sum KÍ skrivar, so er tað ein stórur dystur fyri felagið - og fyri sovítt eisini fyri føroyskan fótbólt. KÍ spældi einasta play-off higartil í føroyskari fótbóltssøgu í 2020. Tá var bert ein dystur spældur í hvørjum umfari vegna korona. Hesin var í Dublin. Dundalk vann 3-1 og kom í bólkaspælið í Europa League.
Í kvøld er fyrsti play-off dystur á føroyskari jørð. Talan er um fyrra dystin í uppgerðini. KÍ kemur í eitt evropeiskt bólkaspæl óansæð samanlagda úrslitið. Tó er ein ávísur munur á Europa League og Conference League; í mun til marglæti og nógv annað.
Sí eisini:
Myndir: Til reiðar til play-off dystin
René Shaki Joensen: Spæla vit upp til okkara besta her ber alt til
Luc Kassi: - Vit vilja gera alt fyri at gera okkara fjepparar glaðar
Uppgávan verður á ymsan hátt tann størsta og torførasta higartil. Hetta segði Magne Hoseth í øllum førum í viðtalu við Portalin í gjár. Sheriff Tiraspol er so at siga eitt einaræði í moldovisku deildini og hevur spælt í nógvum evropeiskum bólkaspølum seinastu árini - millum annað vann Sheriff 2-1 á Real Madrid á Santiago Bernabeu í Champions League fyri tveimum árum síðani.
Sheriff er eisini stórfavorittur at fara víðari og ein rímiligur favorittur til dystin í kvøld. KÍ skal royna at fáa eitt gott útgantsstøði, men er nakað skert til dystin. Týdningarmiklir spælarar sita uttanfyri. Higartil hevur liðið hjá Magna Hoseth ikki tapt evropeiskan heimadyst í ár (javnleik móti Ferencvárosi og Häcken og sigur á Molde)
UEFA Europa League Play-off, fyrri dysturin
Í dag, hósdagin 24.08
19.45: KÍ - Sheriff Tiraspol
Sjónvarp: KVF
Frásøgn: FM1
Portalurin verður á staðnum
Vinarliga broyt tínar kennifíla - og privatlívsstillingar fyri at síggja hetta innihald