Televarpið vísir allar evropeisku dystirnar í kvøld

Kvøldið í gjárkvøldið gjørdist serligt fyri KÍ og fyri føroyskan fótbólt. Ungarska stórfelagið Ferencvárosi, við mongu meistaraheitunum og royndunum frá evropeiskum bólkaspølum seinni árini, tapti greitt fyri hálvtíðarfótbóltsspælarunum hjá føroysku meistarunum.

Harvið er KÍ víðari í Champions League og skal næstu vikurnar stríðast móti svensku meistarunum BK Häcken. Við sigrinum hevur KÍ eisini spælt seg í góða støðu í mun til eitt bólkaspæl - um man kemur til 2. rundu í Champions League, fær man tveir møguleikar afturat (Europa League og Conference League), um so tað endar við tapi.

Sí eisini: 
Video: Her síggjast brotini úr Budapest
KÍ feldi Ferncvárosi í framúr dysti
Árni Frederiksberg: - Helst tað størsta eg havi upplivað sum fótboltsspælari

Trý føroysk feløg eru í Conference League, og skulu í kvøld royna at spæla seg víðari til 2. umfar. B36, HB og Víkingur hava øll ein rímiliga góðan møguleika, tó at øll høvdu ynskt sær íhvussu er eitt sindur betri úrslit frá fyrra dystinum.

Víkingur spælir á heimavølli - sum hesa ferð er í Klaksvík - og havnarfeløgini eru á útivølli. Televarpið vísir allar dystirnar. Til dystin hjá Víkingi og Inter Club D' Escaldes er tað við Niels Petersen sum frásøgumanni á staðnum.  

Sum vanligt er tað fyri eitt gjald, um man ikki hevur stóra pakkan. Portalurin verður á staðnum við Djúpumýru, og vit hava tilfar frá hinum dystunum eisini.

Seinnu dystirnir hjá føroysku feløgunum í Conference League
Í dag, hósdagin 20. juli - allar tíðirnar eru føroyskar

16.30: Paide Linnameeskond - B36 (0-0) - Spældur í Tallinn

19.00: Víkingur- Inter Club D' Escaldes (1-2) - Spældur í Klaksvík
(Atgongumerki til dystin fáast her)

19.45: Derry City-HB (0-0) - Derry

Sí eisini: 
Myndir: Víkingarnir venja til evropeiska lagnudystin
Atli Gregersen: - Skulu út at vísa hvørjum vit eru gjørdir av
Ólavur Mikkelsen: Vit skulu til Klaksvíkar at vinna

HB og B36 fóru avstað í góðari tíð
B36 hevur megnað tað áður
HB hevur ringar royndir úr Norðurírlandi