Agnar Prestá
Fyri tjúgu døgum síðani fekk Havnar Bóltfelag at vita frá UEFA, at koronuleiðreglurnar í Føroyum eru ov strangar til Champions League undan-undankappingina. Knúturin var serliga tann, at um ein leikari hjá vitjandi liðið fær staðfest smittu, skal allir hópurin í sóttarhald. Hetta hendi í fjør - tvær ferðir - hjá Slovan Bratislava, ið skuldi spæla ímóti KÍ í Champions League.
HB misti heimavøllin, og týskvøldið varð liðið sligið út móti meistaraliðnum í Andorra í hitanum og á grasi í Albania.
Les eisini: HB megnaði ikki at spæla seg víðari í Champions League
Vandi hevur verið fyri, at KÍ og NSÍ - og HB - fóru at missa rættin at spæla heimadystirnar í UEFA Conference League, ið verður á skránni í juli. Men eftir drúgt samskiftið millum FSF og evropeisku fótbóltssamgonguna, hevur FSF nú fingið váttan frá UEFA fyri, at altjóða dystirnir vera í Føroyum.
Tað skrivar bolt.fo
Endalig útmelding kemur frá UEFA seinni í dag ella í morgin, skrivar NSÍ, men tað er endaliga staðvest, at leikt verður í Føroyum í summar.
Hetta kann fáa stóran týdning fyri føroysku liðini. Dystirnir í fyrsta umfari verða leiktir 8. og 15. juli. NSÍ spælir á heimavølli, á Svangaskarði, 8. juli, meðan KÍ spælir í Riga. Eina viku seinni skal KÍ spæla sín fyrsta evropeiska dyst nakrantíð við Djúpumýru. Tá vera helst eini 1200-1300 sitipláss tøk við Djúpumýru, og tey seinastu 200-300 koma uppá pláss stutt aftaná - arbeiðið er fult í gongd í løtuni.
Les eisini: NSÍ og Honka hava býtt um heimadyst
HB kemur inn í øðrum umfari, sum ein av tapandi liðunum í Champions League undanumfarinum. Greipuvinnararnir skulu spæla móti HJK Helsinki ella Buducnost Podgorcia. Útidysturin verður 22. juli og heimadysturin eina viku seinni - ólavsøkudag
Vinarliga broyt tínar kennifíla - og privatlívsstillingar fyri at síggja hetta innihald