Agnar Prestá
24-ára gamli Meinhard Egilsson Olsen hevur undir Håkani Ericson fingið sítt landsliðsgjøgnumbrot. Seinasta árið hevur skjóti og kraftmikli vongurin/áleyparin spælt níggju landsdystir og hann fekk sítt fyrsta mál á A-landsliðnum, tá hann tryggjaði Føroyum javnleik í fyrsta HM-undankappingardystinum í Moldova í mars.
Meinhard hevur eisini fingið eina góða byrja í Bryne. Uppflytarnir hava sjey stig fyri fýra dystir, og álopskendi føroyski leikarin hevur tvey mál og tvey upplegg í næstbestu norsku deildini.
Í samrøðu við Portalin beint undan venjingini í Gundadali í dag, segði fyrrverandi NSÍ og B36-leikarin millum annað, at hann følir at hann hevur flutt seg sum leikara seinastu tíðina, og at hann nú veruliga vil byggja uppá og geva sítt íkast til landsliðið.
Um venjingardystirnar móti Íslandi, fríggjakvøldið, og Liktinstein, mánadagin, segði Meinhard, at liðið nú hevur ein góðan møguleika at venja og royna nøkur ting við minni váða og trýsti á. Eitt, sum er serliga umráðandi, er at gerast betri til at hótta mótstøðuliðið meira.
Hoyr samrøðuna við Meinhard Olsen ovast.
(Video) Mattias Lamhauge: Ein stór løta at fáa boðini um úttøkuna
Vinarliga broyt tínar kennifíla - og privatlívsstillingar fyri at síggja hetta innihald