Fótbóltur

Video: - Tað var ein stór gleði tá bólturin fór inn

Við brotssparki í ' 79 minutti skoraði Viljormur Davisen til 5-1 og tryggjaði harvið metið fyri ein sigur hjá føroyska manslandsliðnum í altjóða skrásettum dysti. Hann var liðformaður og legði upp til eitt mál i 1. halvleiki. Hetta var landsdystur nummar 50 hjá vinstra bakkinum, ið var glaður og errin eftir dystum.

2021-06-07 23:36 Author image
Agnar Prestá
placeholder

- Hetta er ótrúliga stórt.

29-ára gamli Viljormur Davisen var føroyskur liðformaður í fyrra hálvleiki og skoraði seinasta málið í tí, sum harvið gjørdist ein metsigur, við tryggum brotssparki.

Myndir: Føroyar - Liktinstein
Føroyar settu met

Hetta var landsliðsmál nummar tvey hjá bakkinum út Saltangará. Hitt skoraði hann eisini úr ellivu metrum - tað var í Rumenia í 2019.

- Nú fingu vit so straffi aftur, og tað er øðiliga spennandi at skjóta straffi - stórur kjansur at skora - so tað var ein stór gleði at bólturin fór inn, og serliga tá tað ger, at vit fáa eitt met. So tað var øgiliga stuttligt.

[object Object]
Viljormur eftir brotssparksmálið í Rumenia..

[object Object]
Bakkurin eftir 5-1 málið í kvøld (Mynd: Jens Kr. Vang)

Viljormur helt annars, at føroyska liðið spældi ov seint og blakaði ov nógvar bóltar burtur í keðiligum økjum fyrstu tjúgu minuttirnar. Men aftaná 0-1 málið kom gongd á, og liðið skapti nógvar málmøguleikar, sum fokus var á áðrenn dystin.

Viljormur legði upp til 1-1 málið, ið Klæmint Andrasson Olsen skoraði. Teir báðir hava spælt nógv saman í NSÍ á yngri árum.

Í heyst verða avbjóðingarnar nakað væl størri enn Liktinstein, men vit skulu ikki smæðast burtur men royna at vísa líknandi góðar taktir við bóltinum, sigur Vejle-leikarin til endans.

Sí eisini: 
Brandur: Tað er deiligt og serligt at skora á landslidnum
Håkan: Glaður fyri at leikararnir standa saman og venda dystinum skjótt

placeholder
placeholder