Kringvarpið vísir KÍ - dysturin hjá B36 sæst ikki

KÍ og B36 seta í kvøld hol á evropeiska summarið hjá føroysku liðunum. Tey spæla í 1. umfari í ávíkavist Champions League og Conference League. Víkingur spælir í Lettlandi í morgin, og HB kemur inn í 2. umfar í Conference League.

Sí eisini: 
B36 og KÍ leggja til brots mikudagin
Søgunnar veingjasuð yvir degnum

Kringvarpið sendir dystin við Djúpumýru. KVF framleiðir - við VAR og so framvegis - og sæst KÍ - Differdange frá klokkan 18.50.

Um ein er staddur í Danmark, Noreg, Svøríki ella Íslandi nýta pallin tv.ki.fo/kiklaksvik, har til ber at rinda fyri at síggja dystin. Portalurin er eisini á staðnum við ymiskum tilfari 

B36 er ikki gjørligt at síggja, uttan so at talan er um onkra ólógliga stroyming. Portalurin hevur fingið upplýst úr Riga, at dysturin ikki verður vístur uttanfyri Lettland í øllum førum. FM1 hevur tó beinleiðis frásøgn av staðnum.

Jann Benjaminsen til venjing á Skonto Stadion (Mynd: Ingi Arge)

Sí eisini: B36 vandi á leikvøllinum í Lettlandi

Annars frætta vit, at tað væntast bert eini 500 áskoðarar á Skonto Stadium, ið annars tekur útvið 7.000 fólk. EM-hálvfinala og annað órógvar. Í góðveðrinum við Djúpumýru væntast umleið 1.000 fólk. Tað eru nøkur pláss eftir aftanfyri málið - serliga í hornunum.

Myndir: Sverri Egholm

UEFA Champions League 2024 1. umfar - fyrri dysturin
Í dag, mikudagin 10. juli
19.00: KÍ - FC Differdange 03

Kringvarpið vísir dystin. Portalurin verður á staðnum og hevur beinleiðis blogg, dystarfrásøgn, 

Sí eisini: 
Myndir: Ársins fyrsti evropeiski dystur á gáttini
Espen Haug: - Skulu vera nøgdir um vit vinna
Árni Frederiksberg: Merkist í býnum at Champions League er á skránni

UEFA Europa Conference League 1. umfar - fyrri dystirnir
Mikudagin 10.07
20.00: Auda - B36

Eingin almenn stroyming er av dystinum, men FM1 er á staðnum og sigur frá

Sí eisini: Jann Benjaminsen: Eru heilt víst farnir til Lettlands fyri at vinna