![placeholder](https://roysni.fo/css/img/banner2x1.png)
Eftir tepra tapið fyri Slovan Bratislava á Tórsvølli 30. november var greitt, at møguleikin hjá KÍ at spæla seg víðari í Conference League var farin. Harvið kann liðið hjá Magna Hoseth ikki røkka stóra málinum, men ein stór og spennandi uppgáva er á skránni í seinasta umfarinum.
Sí eisini:
Evropiska vónin sløknaði
KÍ var omaná á fleiri økjum
Sum bolt.fo hevur víst á, so hevur KÍ framvegis veruliga nakað at spæla fyri. Eitt stig í Fraklandi gevur 1,2 milliónir og trý stig geva 3,7 milliónir krónur. So er tað styrkismetingin. KÍ hevur longu tryggjað sær, at føroyameistarin er styrkismettur til 1. umfar í Champions League næsta ár, og hetta kann hava nógv at siga. KÍ liggur eisini til at verða styrkismett til 2. umfar næsta ár, skrivar bolt.fo. Fyri at tryggja hetta heilt - og ikki vera bundið av øðrum meistarum - krevst tó eitt stig í Lille.
Hetta er tó at biðja um nógv. Tað eydnaðist gamaní at fáa javnleik móti franska stórfelagnum fyrst í oktober, men tá var dysturin á Tórsvølli, og Lille spardi nakrar av størstu álopskendu stjørnunum. Nú skal Lille hava trý stig fyri at við vissu vinna bólkin, og tað ger stóran mun: Nummar eitt fær frí í fyrsta knock-out umfarinum í kappingini og verður styrkismett.
Árni Frederiksberg í dystinum móti Lille á Tórsvølli (0-0) Vongurin er tøkur aftur fyri KÍ eftir leikbann (Mynd: Sverri Egholm)
Á Tórsvølli er pláss fyri beint omanfyri 5.000 fólkum. Á Stade Pierre-Mauroy er pláss fyri beint omanfyri 50.000 áskoðarunum, og hóast tað ikki verður út ímóti fullsett hesaferð, so kann gerast talan um stóra uppliving hjá KÍ, ið fer at royna at seta eitt flott punktum fyri eitt heilt flott ár.
LOSC Lille er í løtuni á 4. plássi í fronsku deildini, hevur eitt stórt virði og verður mett sum stórfavorittur til hendan dystin.
Portalurin verður við á túrinum til Fraklands mikudagin
UEFA Europa Conference League, bólkur A
Hósdagin 14.12
20.00:
LOSC Lille - KÍ
Slovan Bratislava - Olimpija Ljubljana
Støðan í bólkinum undan síðsta umfari
1. LOSC Lille 11 stig
2. Slovan Bratislava 10 stig
----------------------------
3. KÍ 4 stig
4. Olimpija Ljubljana 3 stig
Tvey tey ovastu liðini eru komin víðari
Vinarliga broyt tínar kennifíla - og privatlívsstillingar fyri at síggja hetta innihald