Agnar Prestá
Týsdagin skulu føroyameistararnir royna at spæla seg í finaluna í undan-undanumfarinum í Champions League. Tað er ímóti Inter Club D’Escaldes úr Andorra - hendan minikappingin verður leikt í Albania.
Les eisini: HB skal til Albania
HB er partur av sokallaðu "Champions path" í nýggju Conference League kappingini, sum samlar upp øll tey meistaraliðini, sum verða sligin út í Champions League. Lutakast til hesa leiðina, sum byrjar í 2. umfari, var í dag - beint áðrenn lutakast til vanligu leiðina har KÍ og NSÍ eru við var. Av tí at ongin dystur er spældur enn, og so nógv møgulig útføll eru, so gerst taå rættiliga fløkjasligt fyri HB’sa viðkomandi.
Men lutakastið í dag fall soleiðis út:
Um HB tapir tann fyrsta undan-undan dystin móti Inter Club D’Escaldes, so skal HB møta taparanum av dystinum millum HJK Helsinki úr Finnlandi og Budućnost Podgorica úr Montenegro í øðrum umfari í Conference League. HB og HJK Helsinki spældu í Champions League í 2019 - dysturin í Føroyum endaði 2-2
Vinnur HB fyrsta dystin, men tapir finaluna um at koma víðari í Champions League, so skulu greipuvinnararnir í 2. umfari í Conferance Leage møta taparunum av dystinum millum Teuta úr Albania og Sheriff Tiraspol úr Moldova.
Síðsta møguliga útfallið, tá tað kemur til Conference League á hesum sinni hjá HB, er at koma víðari í fyrsta undanumfar í Champions League, men síðani tapa móti Ferencvaros úr Ungarn. Í so fall verður mótstøðan í Conference League 22. og 29. juli, tapandi liðið í dystinum millum Connah’s Quay Nomads úr Wales og Alashkert úr Armenia.
Hvat so um HB vinnur allar dystirnar: Móti Inter Club D’Escaldes, finaluna og móti Fencavaros, ið verður stórfavorittur í fyrsta fyrsta undanumfarinum? So bíðar ein uppgerð í øðrum undanumfari í Champions League móti Zalgiris Vilnius ella Linfield. Litaviska høvuðsstaðarfelagið vann samanlagt 3-2 á KÍ í øðrum undanumfari í Europa League í 2018. Linfield vann samanlagt 3-2 á HB í somu kapping og sama umfari árið eftir. Hetta var fjórða ferðin, at Linfield hevði verið í Føroyum - áður sligið B36, ÍF og NSÍ út.
Les eisini:
Dan í Soylu breyt fótin
Hesum kunnu KÍ og NSÍ møta í 2. umfari
Vinarliga broyt tínar kennifíla - og privatlívsstillingar fyri at síggja hetta innihald